[股海盒子] 繼續低估我吧!只可告訴你 智能戰爭中我贏晒!!

專欄:股海盒子
題目:繼續低估我吧!只可告訴你 智能戰爭中我贏晒!!

我是679亞洲聯網科技,你們知道嗎?
被低估又點呀!我無氣餒。
等我話比你聽我有幾巴閉!以後叫我做亞爺。

亞爺上市26年啦,你話係咪老啦我!好久年前開始做印刷電路板生意,一做就做到而家。哈!唔係話的認叻,做電鍍、做埋電鍍機器,之後仲做埋生產、銷售、設計,仲提供埋維修同保養服務,咁就廿幾個寒暑。

不知不覺就到左智能時代啦。亞爺每年都去進修自己,呢幾年生埋一個叫SCP的新電鍍機種的小朋友,偷偷地同你地講,呢個小朋友幫亞爺搵到佔總生意額的36%呀,巴閉!仲有呀,聽講今年全球輕型車對我的汽車印刷電路板需求仲一直向上添,唔錯唔錯 呵呵呵!果D光伏電同太陽能業務就唔再多講。

上三年我愈來愈發,2014至2016年賺左8億,無錯係8億!不過呢,今年要回返D,到6月為止總全面收入1.6億左右啦,拿,我有幾值錢。。。年輕人自己計!

不過,我2011年學識左囤地,囤囤下今年1月收左擔保現金代價人民幣12.3億元 (扣左增值稅之後) 同埋預售緊果D,賣超過人仔30,000元╱平方米 (扣左增值稅之後) 時 ,又可以收多DD。


亞爺錢唔係多,三億左右旁身都有既。聽講其他兄弟既負債比率係幾十%,本人好自豪咁講,我係0。

 

你明唔明呀,街邊D人話我而家值7.3億咋。。。。條氣真係CHOK住晒,我現金都3億啦,我塊地呢?我半年收入都億幾啦。街外講果D咩市盈率,話我PE0.98,我都理唔到咁啦。亞爺無流好多股票出去比人買,我自己立返八成幾,你地想用咁平1.75去買我公司,咪駛旨意呀!

如果上左我呢隻飛機,我就帶你飛,你地自己拉返個5年圖睇下我幾靚仔,如果過左2.08,你就望住個月球得架啦!

 

利益申報:筆者並沒有持有亞洲聯網科技。
(以上屬個人意見,絕不構成投資勸誘或買賣建議。)

(Hilton 寫手班)呈獻~
2017年11月4日

第二屆 12月10日MONEYKOL的NUMBER聚未開始賣飛已經爆左一半,因為第一屆實在太熱烈,即場報名已經過左一半人數。四個講者八個號碼,絕對值回票價。值回票價不是那八個號碼,而是知道了四個人如何觀察股票及選擇股票,未報名的快來報名LA!!

記得ADD我FACEBOOK專頁:股海盒子

https://www.facebook.com/stocksuccessbox/

作者:盒子從事財策業務多年,對基金及環球投略有見解,在股海中偶然得到財技啟蒙,叮噹有一個百寶袋,而盒子就是想當一個人人都愛的股壇百寶盒。希望在盒子裏看到的資訊可以幫各位對股票了解更深入,出擊前多作參考,投資更加得心應手。