慶幸我窮過

窮,以前的我的確很窮,窮到口渴也不舍得買支五蚊的水飲。心諗,自己煲水唔洗錢,買支水要五蚊,好貴!

還記得多年前,巴士剛引入冷氣巴,我唔舍得花多一倍錢坐,我情願等下一架熱狗巴士,冇辦法,因我窮,慳得就慳。我窮可以用時間去換錢,而有錢人就用錢去換時間。

當你窮過,就可以深深感受到窮人對現實生活的無奈,同時也會體會到窮人的思維。

窮人每月搵到的錢係咁多就係咁多,可以洗到的錢,最盡都係咁多,所以每個月也只能夠量入為出。

當窮人一家收入兩萬蚊計,佢地租樓的開支預計最多一萬。以前一萬可租五百尺單位住,但由於物價通漲,幾年後五百尺的樓就要租萬五蚊。窮人無奈只能可再搵一間一萬蚊租金的樓去租,但可能只得四百尺。再過幾年,四百尺的樓租金升到萬五蚊。窮人可支出的租金還是不變,也是一萬蚊,最後佢地只能向現實低頭,租一個月租一萬蚊三百尺的單位。

這個現象就印證了,為何近幾年來,細單位無論租值或成交價都大大跑贏大價樓;也印證了細價樓為何是窮人恩物,排隊等買的道理,而不是外間所講的細價樓爆煲,就算要爆煲都要等到無了剛性需求才會爆。但對窮人來講,如果租開一萬蚊一個月的細樓,不會轉去租三萬蚊一個月的。租金的支持下,造就了業主「有人幫佢供樓,而且月月有錢剩」的回報。

以細單位河畔花園為例,現時每月租金12000左右,樓價400至440萬左右。400萬樓,三成首期,供三十年,年利息2厘,每月供款10300。

供樓每月10300,供平過租。供樓每月幾千蚊係銀行利息,但最少有五千幾蚊係還本金。如供三年後,其實已還近二十萬元,即其實為自己儲了二十萬的錢。窮人租樓每月用左萬二蚊,幫人供樓,供完自己一無所得。有人話,供樓做一世樓奴,咁租樓又何嘗不是租樓奴?

但當買入細價樓幾年後,其實市場開始又有變化。因上車的果班人,供了幾年樓,結埋婚。生埋仔。就會開始覺得細單位唔夠住。佢地又要開始新的一業。換三房。大家都知,近年政府為了達到起樓數目的要求。所以出了限尺樓,鼓勵發展商起多些蚊型樓。所以可達到政府所說的每年幾萬個單位,發展商也樂意跟隨。將一個大單位改成三個細單位賣。大單位尺價兩萬,細單位可賣三萬。齊齊開心。但三房的供應隨著需求變得唔夠。所以我相信,跟住下來的日子,三房的大單位尺價又會追上來。

下次有時間分享窮人家的我點選擇平靚正的樓。

利益申報:本人持有自住和投資物業

(以上屬於個人意見,絕不構成投資勸誘或買賣建議)

EC執。簡介:全職注冊中醫師。新城財經台(重新睇健康)環節(正中醫理)主講。無論疾病或投資上的病痛,都用望聞問切去辨症,再用固本培元的方法去施治,希望投資路上的心得,可讓你藥到病除。